სასწავლო პროექტი(ინტელი).

1. გაკვეთილის თემა:

მხიარული ნოტი------დო

2. სწავლების საფეხური.

დაწყებითი საფეხური

3. საგანი.

მუსიკა

4. მასწავლებლის სახელი და გვარი.

ხათუნა ღვალაძე

5. მოსწავლეთა რაოდენობა.

6. განსაკუთრებულ მიდგომების საჭიროების მქონე მოსწავლეთა რაოდენობა.

7. გაკვეთილის სასწავლო მიზნები

· მოსწავლეები შეძლებენ რიტმულ-ინტონაციური ვარჯიშების შესრულებას.

· მოსწავლეები შეძლებენ სიმღერას მარტო და გუნდურად.

· მოსწავლეები შეძლებენ მუსიკალური დამწერლობის ნასწავლი ნიშნების ამოცნობას.

· მოსწავლეები შეძლებენ საგაკვეთილო პროცესში მუსიკალური ტერმინოლოგიის გამოყენებას.

· მოსწავლეები შეძლებენ განასხვავონ საკრავები და დაყონ ჯგუფებად.

· მოსწავლეები შეძლებენ მიმართონ გამოხატვის სხვადასხვა ფორმას გარკვეული განწყობის გადმოსაცემად.

· მოსწავლეები შეძლებენ საკუთარი დამოკიდებულების გამოხატვას მოსმენილი მუსიკალური ნაწარმოებების მიმართ.

8. გაკვეთილის ბოლოს მისაღწევი შედეგები.

· მოსწავლეებს შეუძლიათ რიტმულ-ინტონაციური ვარჯიშების შესრულება, მოსწავლეებს შეუძლიათ ამოიცნონ ვიოლინოს გასაღები და დაწერონ ნოტები ხუთხაზიან სანოტო სისტემაზე(Iოქტავის ფარგლებში).

· მოსწავლეებს შეუძლიათ პოპულარული მელოდიების სიმღერა მარტო და სხვებთან ერთად და სიმღერის დროს გადმოსცენ გარკვეული განწყობილება.

· მოსწავლეებს შეუძლიათ მუსიკალური ტერმინოლოგიის გამოყენება საგაკვეთილო პროცესში.

· მოსწავლეებს შეუძლიათ დაყონ მუსიკალური საკრავები ჯგუფებად(ჩასაბერი,დასარტყამი,სიმებიან-ხემიანი,სიმებიანი).

· მოსწავლეებს შეუძლიათ ჯგუფებში მუშაობა.

· მასწავლებლის მიერ შესრულებულ რამოდენიმე ნაწარმოების ფრაგმენტებზე მოსწავლეებს შეუძლიათ საკუთარი აზრის გამოხატვა.

9. ეროვნული სასწავლო გეგმით განსაზღვრული მისაღწევი შედეგები და ინდიკატორები.

მუს.III.1.მო სწავლეებს შეუძლიათ მუსიკალური ენის ნასწავლი ელემენტების ამოცნობა და მათი გამოყენება რიტმულ-ინტონაციურ სავარჯიშოებში.

განასხვავებს ნელ და ჩქარ შესრულებას,ხმამაღალ და ხმადაბალ ხმოვანებას. მარტო და თანაკლესელებთან ერთად ასრულებს პოპულარულ მელოდიებს.

მუს.III.3.მოსწავლეს შეუძლია მიმართოს გამოხატვის სხვადასხვა ფორმას გარკვეული განწყობილების გადმოსაცემად.

სხეულის მოძრაობით გადმოსცემს მუსიკით გამოწვეულ ემოციას.

მუს.IV.4.მოსწავლეს შეუძლია მუსიკალური დამწერლობის ნასწავლი ნიშნების ამოცნობა.

ამოიცნობს,ასახელებს და წერს ნოტებს ხუთხაზიან სანოტო სისტემაზე.

(I ოქტავის ფარგლებში)

მუს.III.6.მოსწავლეს შეუძლია ჯგუფში მუშაობა.

მოსწავლე მუშაობს სხვებთან ერთად ჯგუფში.

მუს.III.8.მოსწავლეს შეუძლია ნასწავლი მუსიკალური ტერმინების გამოყენება.

იყენებს ნასწავლ ტერმინებს და განმარტავს მათ.

მუს.III.14.მოსწავლეს შეუძლია განასხვავოს ერთმანეთისგან მუსიკალური საკრავები.

ამოიცნობს საკრავებს და დაყოფს ჯგუფებად.(ჩასაბერი,დასარტყამი,სიმებიანი,სიმებიან-ხემიანი საკრავები).

მუს.III.2.მოსწავლეს შეუძლია სიმღერა მარტო და სხვებთან ერთად.

მღერის მარტო და სხვებთან ერთად.

10.თანმიმდევრობა

A-ფაზა გამოწვევა. ინტერესის გამოწვევის და მრავალფეროვნების მიზნით მასწავლებელი ასრულებს ფორტეპიანოზე ფრაგმენტს ი.გურგულიას სიმღერიდან „პირველად იყო სიმღერა“და მოსწავლეებს უსვამს კითხვას,თუ ეს სიმღერა როგორი ხასიათისაა.ბავშვები პასუხობენ.მასწავლებელი საუბრობს სიმღერით გამოწვეულ ემოციებზე. მასწავლებელი სვამს კითხვას შეიძლება ერთნაირი იყოს მელოდია და სულ ერთ ხმაზე? მოსწავლეები პასუხობენ, რომ მუსიკა მრავალფეროვანია. ზოგჯერ ხმამაღალი, ზოგჯერ ჰაეროვანი. თბილი ბგერებით და ძლიერი ბგერებით გადმოცემული ემოციები.მუსიკასაც აქვს ფერები. (3 წთ.)

I აქტივობა. მასწავლებელი მოსწავლეებს უსვამს კითხვას, თუ რამდენი ძირითადი ნოტია მუსიკაში?---შვიდი .ეს შვიდი ნოტი შეიძლება დავუკავშიროთ ცისარტყელას შვიდ ფერს. დაფაზე აჩვენებს წრიულად გამოჭრილ შვიდ სხვადასხვა ფერის აპლიკაციას.წინასწარ მასწავლებელს დაფაზე დაწერილი აქვს შვიდი ბგერის დასახელება და თითოეულს მიწერილი აქვს ფერის სახელწოდება.

მაგ:მწვანე--დო,ყვითელი-სი და ასე შემდეგ.მოსწავლეებმა აღმავალი მართულებით უნდა დააწყონ ნოტები,მითითებული ფერების მიხედვით.(ნოტები).(3 წთ.)

I.მII.აქტივობა.მასწავლებელი ავლებს დაფაზე ხუთ პარალელურ ხაზს და მომოსწავლეებს ეკითხება,თუ რას ნიშნავს გავლებული ხაზები,როგორი ხაზებია,სანამ

ნოტებს გამოიგონებდნენ რას იყენებდნენ სანოტო სისტემაზე ნოტების მაგივრად?

სანამ ნოტებს განავათავსებთ ხაზებზე პირველ რიგში უნდა შევიდეთ მუსიკის სამყაროში და რომელი გასაღები ხსნის ამ სამყაროს? რომელ ხაზზე იწერება ეს გასაღები?მოსწავლეები პასუხობენ კითხვებზე.(4 წთ.)

III აქტივობა. მასწავლებელი მოსწავლეებს აძლევს მითითებებს.დაფაზე უკვე დახაზულ სანოტო სისტემაზე მოსწავლეებმა უნდა განათავსონ წითელი და ლურჯი ფერის მაგნიტები ისე,რომ ხაზებზე განთავსდეს წითელი ფერის მაგნიტი-ნოტები,ხოლო ხაზებს შორის განათავსდეს ლურჯი ფერის მაგნიტი-ნოტები.მოსწავლეები ასრულებენ დავალებას. (5 წთ.)

IV. აქტივობა. მოსწავლეები ასრულებენ ვ. კახიძის სიმღერას. “ანო და ვანო“ (გუნდურად)და საუბრობენ ამ სიმღერით გამოწვეულ ემოციებზე(3 წთ.)

V. აქტივობა.მასწავლებელი მოსწავლეებს ურიგებს ბარათებს,სადაც ჩამოწერილია ნასწავლი მუსიკალური საკრავები.მოსწავლეებმა უნდა დააჯგუფონ საკრავები(ჩასაბერი,დასარტყამი,სიმებიან-ხემიანი,სიმებიანი) და ახსნან რატომ მოათავსეს ამა თუ იმ ჯგუფში.(მუშაობენ ჯგუფებში)მუსიკალური განტვირთვა: რიჰარდ შტრაუსის კონცერტი ჰობოისათვის. (5 წთ.)

VI აქტივობა. მასწავლებელს ფორმატზე ჩამოწერილი აქვს მუსიკალური ტერმინები,რომელიც გამოსახულია ლათინურად.მოსწავლეებმა უნდა მიუწერონ გვერდით ქართული შესაბამისობა.ასევე შეძლონ დაპირისპირება ორი განსხვავებული ტერმინის.მაგ.adagio-presto(ძალიან ნელი და ძალიან ჩქარი)და ასე შემდეგ.

ტერმინოლოგია.

Presto

ძალიან ჩქარა

diminoendo

თანდათან ჩუმად

Adagio

ძალიან ნელა

Creschendo

თანდათან ხმამაღლა

Forte

ხმამაღლა

Piano

ჩუმად. (5 წთ.)

VII.აქტივობა. მასწავლებელი ტაშით და კაკუნით ასრულებს რიტმულ ნახაზებს და სთხოვს მოსწავლეებს გაიმეორონ მითითებული სავარჯიშო (აქტივობა სრულდება ჯგუფებში). (3 წთ.)

VIII.აქტივობა.მასწავლებელი იძახებს დაფასთან ცხრა მოსწავლეს და ურიგებს ბარათებს.

ბარათებზე დაწერილია მუზების სახელწოდებები.თითოეულმა მოსწავლემ ჟესტიკულაციით უნდა გადმოსცეს ამ მუზის ხასიათი ისე,რომ მოსწავლეებმა ამოიცნონ მუზა.(4 წთ.)

B-ფაზა.IX.აქტივობა. წინარე ცოდნის განმტკიცების შემდეგ მასწავლებელი იწყებს ახალი მასალის ახსნას: მასწავლებელი მონიტორზე მოსწავლეებს აწვდის მოკლე ინფორმაციას ფორტეპიანოს შესახებ,მის განვითარების ისტორიაზე.ახსენებს მოსწავლეებს სანოტო სისტემაზე ხაზებზე და ხაზებს შორის ნოტებს(მონიტორზე ჯერ ხაზებზე განთავსებული ნოტებია ნაჩვენები თავისი სახელწოდებებით,ხოლო შემდეგ ხაზებს შორის ნოტები).ჩვენ გვაქვს შესწავლილი შვიდი ბგერა .დღეს შევისწავლით მერვე ბგერა- დოს,რომელიც არის პირველი დოს გამეორება,მხოლოდ მაღალ რეგისტრში.მასწავლებელი სვამს კითხვას,თუ რა არის რეგისტრი .მოსწავლეები პასუხობენ---ხმის ან საკრავის სიმაღლე. მასწავლებელი მონიტორზე აჩვენებს მოსწავლეებს პირველ დოს (Iდამატებით ხაზზე მოთავსებული დო-ნოტი,რომელიც განსხვავდება რეგისტრალურად მესამე და მეოთზე ხაზს შორის მოთავსებულ ნოტი დო-სგან).მასწავლებელი აღმავალი მიმართულებით ათვლევინებს მოსწავლეებს დო-დან დო-მდე და მესამე და მეოთხე ხაზს შორის ნოტს ხსნის,რომ ეს ნოტი არის მერვე ნოტი,რომელსაც ეწოდება -„დო“.ესაუბრება მოსწავლეებს,რომ დოს სწავლით დასრულდა Iოქტავა.

C-ფაზა. მასწავლებელს გაკვეთილის შეჯამების მიზნით გამოყავს დაფასთან მოსწავლეები და სთხოვს როგორც აღმავალი,ისე დაღმავალი მიმართულებით დააწყონ რიგითობის მიხედვით ბარათებზე გამოსახული ნოტები. მასწავლებელი ამღერებს მოსწავლეებს ოქტავის ფარგლებში და ასევე აქცენტს აკეთებს ხმოვნებზე(მა, მე, მი, მო, მუ).

აძლევს საშინაო დავალებას:გამოწერონ ნოტები მუსიკის რვეულში მითითებულ გვერდზე.(10 წთ.)

რესურსები

მესამე კლასის მუსიკის წიგნი, მუსიკის რვეული, პროექტორი, კომპიუტერი, მონიტორი, ფორტეპიანო, დაფა, ცარცი, მასწავლებლის მიერ დამზადებული ბარათები,აპლიკაციები, სანოტო რვეული,ფორმატი,მარკერი.

შეფასების რუბრიკები

შეფასების რუბრიკა განმავითარებელი.

კრიტერიუმები	დაბალი	საშუალო	მაღალი
ხაზებსა და ხაზებს შორის ნოტის ამოცნობა.	მოსწავლე ვერ ცნობს ხაზებსა და ხაზებს შუა ნოტებს.	მოსწავლეს დიდი ძალისხმევა სჭირდება, რომ შეძლოს ხაზებსა და ხაზებს შუა ნოტების გარჩევა.	ამოიცნობს სანოტო სისტემაზე ხაზებსა და ხაზებს შუა ნოტებს.
რიტმულ-ინტონაციური ვარჯიშების შესრულება და გუნდურად სიმღერა.	ვერ მღერის გუნდში და ვერ ასრულებს რიტმულ-ინტონაციურ ვარჯიშებს	შეძლებისდაგვარად შეუძლია სიმღერა და რიტმულ-ინტონაციურ ვარჯიშებს ასრულებს ნაწილობრივ.	შეუძლია სიმღერა, როგორც ინდივიდუალურად, ასევე გუნდში და სწორად ასრულებს რიტმულ-ინტონაციურ ვარჯიშებს.
ჩართულობა	გაკვეთილის მსვლელობაში მხოლოდ პასიური მსმენელის როლს ასრულებს.	გაკვეთილის მსვლელობაში იღებს მონაწილეობას ნაწილობრივ.	მთელი გაკვეთილის მსვლელობის დროს ჩართულია სამუშაო პროცესში.

მოსწავლის თვითშეფასების რუბრიკა.

კრიტერიუმები
შემიძლია დავაწყო ნოტები რიგითობის მიხედვით.
შემიძლია გავიმეორო მასწავლებლის მიერ მითითებული რიტმულ-ინტონაციური ვარჯიშები.
როლური თამაშების დროს,შემიძლია განვასახიერო თითოეული მუზა.

მასწავლებლის თვითშეფასების რუბრიკა.

მაღალი	მოსწავლეს ესაუბრება გასაგები ლექსიკით. სისტემატიურად და ობიექტურად ახდენს მოსწავლეთა განმავითარებელ შეფასებას და აძლევს მათ სათანადო უკუკავშირს. საგაკვეთილო პროცესში აქტიურად ჰყავს ჩართული თითოეული მოსწავლე. მოსწავლეებს აძლევს კონკრეტულ რჩევებს და არა ზოგადს. დაგეგმილი აქტივობები, სტრატეგიები და კლასის ორგანიზების ფორმები სრულად შეესაბამება ერთმანეთს. მოსწავლეს აძლევს სრულფასოვან ინსტრუქციებს.
საშუალო	მასწავლებელი საუბრისას იყენებს ვრცელ წინადადებებს. არ ახდენს სისტემატიურად მოსწავლეთა განმავითარებელ შეფასებას, აძლევს ზოგად უკუკავშირს. საგაკვეთილო პროცესში ჩართულია მხოლოდ მოსწავლეთა გარკვეული რაოდენობა. მოსწავლეებს აძლევს ზოგად რჩევებს. დაგეგმილი აქტივობები, სტრატეგიები და კლასის ორგანიზების ფორმები ნაწილობრივ შეესაბამება ერთმანეთს.
დაბალი	მასწავლებლის მიერ გამოყენებული ლექსიკა არ შეესაბამება მოსწავლეთა ასაკს. არ ახდენს მოსწავლეთა განმავითარებელ შეფასებას. საგაკვეთილო პროცესში ჩართულია მხოლოდ წარჩინებული მოსწავლეები. მოსწავლეებს არ აძლევს რჩევებს. დაგეგმილი აქტივობები, სტრატეგიები და კლასის ორგანიზების ფორმები ურთიერთშეუსაბამოა.